មួយករណីទៀតហើយ! ផ្ទុះសេកុងម៉ា បណ្តាលឲ្យឆេះផ្ទះ ក្នុងថ្ងៃចូលឆ្នាំចិន

យោងតាមហ្វេសបុក អគ្គស្នងការដ្ឋាននគរបាលជាតិ កាលពីម៉ោង ៨ និង២០នាទីព្រឹក ថ្ងៃ​ទី​២៤​ ខែមករា​ ឆ្នាំ​២០២០ មានករណីអគ្គីភ័យកើតឡើង ដោយសារឆ្លងចរន្តអគ្គីសនី កុងម៉ា បណ្តាលឲ្យឆាបឆេះផ្ទះ មួយកន្លែង ស្ថិត​នៅ​ក្នុង​ ភូមិ​តា​ងួ​ន​ សង្កាត់​កា​កាប​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ។ ដែលមានម្ចាស់ឈ្មោះ​ មាស​ វង្ស​សា​ ភេទ​ប្រុស​ អាយុ​៣៨​ឆ្នាំ​ មុខរបរ​ មន្ត្រី​យោធា។

ករណីនេះ មិនបណ្តាលឲ្យមានគ្រោះថ្នាក់ ដល់មនុស្សទេ គ្រាន់តែខូចផ្ទះ 50% ម៉ូតូ ទូរទស្សន៍ និងសំភារៈប្រើប្រាស់ផ្សេងៗ និងប្រឡានទឹកបាញ់អស់ ១គ្រឿង អស់ទឹក ៤ គីប។ ដូចនេះ សូមបងប្អូនប្រុងប្រយ័ត្ន ចំពោះខ្សែងភ្លើងចាស់ ដែលងាយធ្វើឲ្យឆាបឆេះ៕