BREAKING NEWS

អ្នកដែលទិញទំនិញអនឡាន ពីវែបសាយចិន Alibaba ក៏ដូចជា Taobao អាចប្រឈមនឹងហានីភ័យឆ្លងជម្ងឺផ្លូវដង្ហើមថ្មី ដែររឺទេ?

Spread the love

មាន​បងប្អូន​ក្នុង​ស្រុក​យើង​ជា​ច្រើន​កំពុង​មាន​ការ​ព្រួយ​បារម្ភ​ជា​ខ្លាំង តើ​ទំនិញ​ដែល​ពួក​គេ​បាន​កុម្ម៉ង់​ចេញ​ពី​ប្រទេស​ចិន តាម​រយៈ​គេហទំព័រ Taobao និង AliExpress អាច​បង្កើត​ជា​ហានិភ័យ​ចម្លង​វីរុស​ផ្លូវ​ដង្ហើម​ថ្មី​ដល់​អ្នក​ដែល​ទទួល​ទំនិញ​ដែរ​ឬ​ទេ?

តាម​រយៈ​ចម្លើយ​ច្បាស់ការ​ពី​វេជ្ជបណ្ឌិត​ម៉ាឡេស៊ី​លោក Christopher Lee បម្រើ​ការ​នៅ​ឯ​មន្ទីរ​ពេទ្យ Sungai Buloh និង​ជា​ទីប្រឹក្សា​ជាតិ​នៃ​ជំងឺ​ឆ្លង​នៅ​ក្នុង​ក្រសួង​សុខាភិបាល​របស់​ប្រទេស​ម៉ាឡេស៊ី បាន​ឆ្លើយតប​ជុំវិញ​ចម្ងល់​ចាក់ដោត​មួយ​នេះ។

ចម្លើយ​គឺ​លោក​សង្កត់​ធ្ងន់​ថា​វា​សឹង​តែ​មិន​អាច​កើត​ឡើង​ទៅ​បាន ហើយ​បើ​មាន​ក៏​មាន​ភាគរយ​នៅ​កម្រិត​ទាប​បំផុត​មួយ។ លោក​បាន​លើក​ឡើង​ថា​វីរុស​កូរ៉ូណា (2019-nCoV) គឺ​មាន​លក្ខណៈ​ស្រដៀង​គ្នា​ទៅ​នឹង​វីរុស SARS និង MERS ដោយ​វា​អាច​មាន​ជីវិត​នៅ​ក្រៅ​តួ​ខ្លួន​មនុស្ស​ត្រឹម​តែ​ប៉ុន្មាន​ម៉ោង​ប៉ុណ្ណោះ ហើយ​ក្នុង​ករណី​ពិសេស​ណា​មួយ​គឺ​អាច​មាន​ជីវិត​ដល់​រយៈ​ពេល​យូរ​បំផុត ៤ ​ថ្ងៃ។

លោក Lee មាន​ប្រសាសន៍​ថា៖ “វីរុស​នោះ​អាច​រស់​យ៉ាង​យូរ​ប្រហែល​ប៉ុន្មាន​ថ្ងៃ​ប៉ុណ្ណោះ​ក្នុង​បរិយាកាស​សើម​ឬ​មាន​សំណើម ប៉ុន្តែ​បើ​នៅ​លើ​របស់​ស្ងួត​ដូច​ជា​ថង់​ប្លាស្ទិច​ជា​ដើម វា​អាច​រស់​បាន​តែ​ប៉ុន្មាន​ម៉ោង​ហ្នឹង​ឯង”។

បែប​នេះ​យើង​អាច​សន្មត​បាន​ថា​វីរុស​នោះ​វា​មិន​អាច​ឆ្លង​មក​កាន់​អតិថិជន​អ្នក​ទទួល​ទំនិញ​បាន​នោះ​ទេ ព្រោះ​ជា​ធម្មតា​ជើង​ហោះហើរ​ឬ​កប៉ាល់​ដឹក​ទំនិញ​ពី​ចិន​មក​កម្ពុជា យ៉ាង​តិច​ក៏​ចាយ​ពេល ៧ ​ថ្ងៃ​ដែរ ហើយ​ជា​មធ្យម​ចន្លោះ ១៥ ទៅ ៦០ ​ថ្ងៃ​ក៏​មាន។

យ៉ាងណាមិញ​តាម​រយៈ​ការ​បញ្ជាក់​ពី​ក្រុមហ៊ុន​ដឹក​ទំនិញ​ខ្នាត​ធំ Express Mail Service (EMS) របស់ China Post ក៏​បាន​សង្កត់​ធ្ងន់​ដែរ​ថា​ក្រុមហ៊ុន​នឹង​ធ្វើ​ការ​ពន្យាពេល​ការ​ដឹក​ជញ្ជូន​ទំនិញ​ទាំង​អស់ ក្នុង​គោលដៅ​ត្រួតពិនិត្យ​ឲ្យ​បាន​ដិតដល់​និង​ធានា​គុណភាព​បន្ថែម​ទៀត​នៅ​លើ​ទំនិញ​នីមួយៗ៕ ប្រភព៖ Worldofbuzz

Related Post

Be the first to comment

Leave a Reply

Your email address will not be published.


*