BREAKING NEWS

ពុទ្ធោ! និស្សិតខ្មែរមកពីចិន​​​ម្នាក់​ ទម្លាយ​ថា ​ពួកគេ​ចេញ​ថ្លៃ​យន្តហោះ ​មក​​ ​ខ្មែរ​ដោយ​ខ្លួនឯង

Spread the love

បន្ទាយមានជ័យ ​៖​ ក្រោយពី​សារព័ត៌មាន​កម្ពុជា​ថ្មី ​បាន​ផ្សាយ​ថា និស្សិត​អាហារូបករណ៍​៣០​នាក់ ត្រូវ​បាន​ចិន​បញ្ជូន​មក​កម្ពុជា​វិញ​នោះ​, និស្សិត​ម្នាក់ ក្នុងចំណោម​៣០​នាក់ បាន​អះអាង​ថា ពួកគេ​មក​ដោយ​ខ្លួនឯង​នោះ​ទេ ពុំ​មាន​អ្នកណា​បញ្ជូន​ពួកគេ​មក​នោះ​ឡើយ។

និស្សិត​រូប​នោះ ​បាន​បញ្ជាក់​ប្រាប់​កម្ពុជា​ថ្មី​ដូច្នេះ​ថា «រឿង​ដែល​បញ្ជូន​មក​នោះ​ គ្មាន​អ្នក​ណា​បញ្ជូន​មក​ទេ ​ដោយសារ​ពួក​យើង​ចេញ​ថ្លៃ​យន្តហោះ​មក​ខ្លួន​ឯង​ ហើយ​ដាក់​ច្បាប់​ទៅ​សាលា​ទេ​ មិន​មែន​អ្នកណា​បញ្ជូន​មក​ទេ»។

គួរ​បញ្ជាក់​ថា ​នៅ​ព្រឹក​ថ្ងៃ​ទី​២៨ ខែ​មករា ​ឆ្នាំ​២០២០​នេះ ​លោក​អ៊ំ រាត្រី អភិបាលខេត្ត​បន្ទាយមានជ័យ អម​ដំណើរ​ដោយ​លោក​វេជ្ជបណ្ឌិត កែវ​សុភ​ក្ដ្រា ប្រធាន​​មន្ទីរពេទ្យ​ខេត្ត​ និង​មន្ត្រី​ជំនាញ​ជា​ច្រើន​នាក់​ទៀត បាន​ទៅ​ទទួល​​និស្សិត​ខ្មែរ ដែល​មកពី​ខេត្ត Anhui ក្រុង Hubei ប្រទេស​ចិន​ចំនួន​៣០​នាក់ ដែល​ចូល​មក​តាម​ច្រក​ទ្វារ​អន្តរជាតិ​ប៉ោយប៉ែត ដោយ​ឆ្លងកាត់​ការ​ត្រួតពិនិត្យ​សុខភាព​ដោយ​ម៉ាស៊ីន​ស្កែ​ន​កម្ដៅ​Thermoscane ឃើញ​ថា គ្មាន​មេរោគ​សញ្ញា​នៅ​ក្នុង​ម៉ាស៊ីន​ចាប់​កម្ដៅ​នោះទេ។

ជាមួយគ្នា​នោះ​លោក​អភិបាលខេត្ត​និង​លោក​ប្រធាន​មន្ទីរ បាន​ជួយឧបត្ថម្ភ​ដល់​និស្សិត​ទាំងនោះ ចំនួន​ទឹកប្រាក់​១.០០០.០០០ រៀល​ផង​ដែរ​នៅ​ព្រឹក​ថ្ងៃ​ទី​២៨ ខែ​មករា ឆ្នាំ​២០២០​ នៅ​ច្រក​ទ្វារ​អន្តរជាតិ។

លោក​​កែវ​ សុភ​ក្ត្រា ប្រធាន​មន្ទីរ​សុខាភិបាល​ខេត្ត​បន្ទាយមានជ័យ​ ​​​​បញ្ជាក់​​ថា ក្រោយ​ពី​​និស្សិត​​ទាំង​នោះ មកដល់​ច្រក​ទ្វារ​អន្តរជាតិ​ប៉ោយប៉ែត​ភ្លាម ក្រុម​គ្រូពេទ្យ ដែល​ប្រចាំការ​នៅ​ទីនោះ មានការ​ពិនិត្យ​យកចិត្តទុកដាក់​យ៉ាង​ខ្ពស់​បំផុត ក្រោយមក​គេ​ពុំ​ឃើញ​ថា មាន​និស្សិត​ប្រុស​ស្រី​ណា​ម្នាក់ ​មាន​ជំងឺ​​រលាក​សួត​ដោយ​វីរុស​កូ​រ៉ូ​ណា​ថ្មី​​ នោះ​ឡើយ​។ ​

ដោយឡែក​លោក​ឧត្ដមសេនីយ៍​ត្រីអ៊ី​ ចំរើន នាយ​ប៉ុស្តិ៍​អន្តោប្រវេសន៍​ច្រកទ្វារ​ទី​១ អន្តរជាតិ​ប៉ោយប៉ែត​បាន​ឲ្យ​ដឹងថា និស្សិត ៣០ នាក់​នោះ ត្រូវបាន​គេ​ត្រួតពិនិត្យ​យ៉ាង​តឹងតែង​បំផុត ហើយ​រក​រថយន្ត​ឲ្យ​ពួកគាត់​ធ្វើដំណើរ​ទៅ​ស្រុកកំណើត​វិញ ក្រោម​ការតាមដាន​សុខភាព​ក្នុង​រយៈពេល ១៤ ថ្ងៃ​ដើម្បី​ពិនិត្យមើល​សុខភាព​របស់​ពួកគាត់​បន្ថែមទៀត​នៅឯ​មូលដ្ឋាន​តែម្ដង៕ អត្ថបទ៖ កម្ពុជាថ្មី

Related Post

Be the first to comment

Leave a Reply

Your email address will not be published.


*