BREAKING NEWS

លឿនអីក៏លឿនយ៉ាងនេះ! ម៉ាឡេស៊ីអះអាងថា ស្ត្រីអាមេរិកមកពីកប៉ាល់ Westerdam ជាសះស្បើយ COVID-19 ហើយ

Spread the love

ស្ត្រី​ជនជាតិ​អាមេរិក​ដែលជា​អ្នកដំណើរ​លើ​នាវា Westerdam ហើយ​មាន​កូ​រ៉ូ​ណាវី​រុស លែងមាន​វីរុស​នេះ​ក្នុង​ខ្លួន​ទៀតហើយ​។ ឧបនាយករដ្ឋមន្ត្រី​ម៉ាឡេស៊ី Wan Azizah Wan Ismail ប្រកាស​បែបនេះ​នៅ​ថ្ងៃទី​២១ ខែកុម្ភៈ​។ ទោះ​អស់​វីរុស​ប្រភេទ​ថ្មី​នេះ​មែន ស្ត្រី​អាមេរិក​វ័យ​៨៣​ឆ្នាំ​រូបនេះ ត្រូវ​បន្ត​ស្នាក់នៅ​មន្ទីរពេទ្យ​មួយរយៈ​ពេល​ទៀត​សិន​។​

អ្នកស្រី Wan Azizah Wan Ismail ឧបនាយករដ្ឋមន្រ្តីម៉ាឡេស៊ី និយាយថា ស្ត្រីជនជាតិអាមេរិកដែលជាអ្នកដំណើរលើនាវា Westerdam នោះ ត្រូវបានធ្វើតេស្តជាបន្តបន្ទាប់ ហើយលទ្ធផលបង្ហាញថា មិនមានវីរុសដែលបង្កទៅជាជំងឺរលាកសួតធ្ងន់ធ្ងរ (COVID-19) ឡើយ។ ស្រ្តីវ័យ៨៣ឆ្នាំនេះ ត្រូវបានដាក់ឲ្យព្យាបាលនៅមន្ទីរពេទ្យ Sungai Buloh ។

«ការធ្វើតេស្តរបស់អ្នកស្រី បានចេញមកអវិជ្ជមាន។» អ្នកស្រី Wan Azizah បញ្ជាក់បែបនេះដែលត្រូវបានផ្សាយដោយសារព័ត៌មានម៉ាឡេស៊ី The Star ។

ប៉ុន្តែ អ្នកជំងឺរូបនេះ បន្តស្ថិតនៅមន្ទីរពេទ្យសិន មុននឹងអនុញ្ញាតឲ្យចាកចេញ។ ឧបនាយករដ្ឋមន្រ្តីម៉ាឡេស៊ី ប្រកាសពីព័ត៌មាននេះក្រោយជំនួបគណៈកម្មាធិការជាន់ខ្ពស់ទទួលបន្ទុក COVID-19៕ អត្ថបទ៖ ថ្មីៗ

Related Post

Be the first to comment

Leave a Reply

Your email address will not be published.


*