BREAKING NEWS

ត្រៀមខ្លួនទៅ អ្នកចែកចាយពត៌មានដែលបង្ក​ចលា​ចល​​ដល់ជាតិ ក្រសួងបីនឹងមានវិធានការតាមផ្លូវច្បាប់

Spread the love

រាជធានីភ្នំពេញ៖ រាជរដ្ឋាភិបាល​កម្ពុជា បាន​​ប្រកាស​ចាត់វិធានការ​ផ្លូវ​ច្បាប់​ទៅ​លើ​គេ​ហទំព័រ ឬ​ទំព័រ​ហ្វេស​បុក​ណា​ដែល​បន្ត​ផ្សព្វផ្សាយ​ព័ត៌មាន​មិនពិត ដែល​រដ្ឋាភិបាលថា ធ្វើ​ឲ្យ​​ប៉ះ​ពាល់​​ដល់​​សន្តិសុខ​ជាតិ ​ខណៈ​អ្នក​ដែល​ចែក​រំ​លែក​ព័ត៌មាន​ទាំង​នោះ​ក៏​ប្រឈម​មុខ​ផ្លូវ​ច្បាប់​ផងដែរ។

ក្នុង​ពិធី​ផ្សព្វផ្សាយ​សេចក្ដី​ប្រកាស​អន្តរក្រសួង​នៅ​ព្រឹកថ្ងៃ​ទី ៤ កក្កដា​នេះ អគ្គ​នាយក​​នៃ​អគ្គ​នាយកដ្ឋាន​ព័ត៌មាន និង​សោត​ទស្សន៍​នៃ​ក្រសួង​ព័ត៌មាន លោក ផុស សុវណ្ណ បាន​ថ្លែង​ថា ​ចាប់​ពី​ថ្ងៃ​ស្អែកទៅ ក្រសួងទាំងបី​នឹងផ្តើម​អនុវត្តន៍​នូវ​សេចក្តីប្រកាស​អន្តរក្រសួងដើម្បីទប់​ស្កាត់​ព័ត៌មាន​មិន​ពិត​ ខណៈ​លោក​បញ្ជាក់ថា​ អ្នក​ដែលចែក​រំលែក​​ព័ត៌មាន​ទាំង​នោះ ក៏​នឹង​​ប្រឈម​មុខ​នឹង​ច្បាប់ទាំងអស់។

អគ្គ​នាយក​​នៃ​អគ្គ​នាយកដ្ឋាន​ព័ត៌មាន និង​សោត​ទស្សន៍​នៃ​ក្រសួង​ព័ត៌មាន លោក ផុស សុវណ្ណ បានលើកឡើងថា « ដឹងមិន​ដឹង​ទេ​(ប្រជា​ពល​រដ្ឋ) តែ​ធ្វើ​ខុស​ គឺចាប់​សិន​ហើយ មើល​ទៅ​មើលមុន​ដំបូង​ទី​ អ្នក​ណា​ក៏​ជិះ​ម៉ូតូ​អត់​ពាក់​ពួក និង​កញ្ចក់​ដែរ ដល់​ពេល​ចាប់​ទៅ ​គឺ​ព្រាត​ដូច​តែ​គ្នា​តើ។ អញ្ចឹង​ ខ្ញុំ​គិត​ថា​ វិធាន​ការ​ច្បាប់ ​គឺ​ស្មើ​គ្នា​ចំពោះ​ប្រជា​ជន​ទាំង​អស់។ […] ខាង​នោះ​ថា​share យកៗ​តាម​ចិត្ត​ខ្ញុំ​ share យកៗ ​គឺ​ជាប់​(គុក)​ហើយ។ ហើយ​ខ្ញុំ​គ្មាន​ចិត្ត​ថា ​គាត់​អត់​ចេះ​សោះ Share យក​ទេ ព្រោះ​ខ្ញុំ​សាក​ហើយ ទិញ​ទូរស័ព្ទ​ឲ្យ​ម្តាយ​ខ្ញុំ ២ឆ្នាំ​ហើយ​ បើក​សំឡេង​ធម៌​អត់​ចេញ​ទេ អញ្ចឹង​ខ្ញុំ​អត់​ជឿ​ថា ​អត់​ចេះ​អីសោះ​ Share ​យកៗ​បានទេ»
ការ​ប្រកាស​ចាប់​ខ្លួន​អ្នក​ដែល​ចែក​ចាយ​ព័ត៌មា​ន​មិន​ពិត​នេះ​ គឺ​បន្ទាប់​ពី​លោក​នាយក​រដ្ឋ​មន្ត្រី​ ហ៊ុន សែន កាលពី​ថ្ងៃទី​០២​កក្កដា​កន្លង​មក​​នេះ បានបញ្ជា​​​ទៅ​កាន់​ស្ថាប័ន​ជំនាញ ឲ្យ​រៀប​ចំដំឡើង​ម៉ាស៊ីនសម្រាប់​តាម​ដានសកម្មភាព​អ្នក​ប្រើ​ប្រាស់​បណ្តាញ​សង្គម។

សេចក្ដី​ប្រកាស​កាល​ពីថ្ងៃ​ទី​២៨ ខែ​ឧសភា ដែល​ធ្វើ​ឡើង​ដោយ​ក្រសួង​ព័ត៌មាន ក្រសួង​ទូរគមនាគមន៍ និង​ក្រសួង​មហា​ផ្ទៃ បាន​សម្រេច​ចាត់​តាំង​អង្គភាពជំនាញ​រៀងៗ​ខ្លួន ​ក្នុង​ការ​សហ​ការ​តាម​ដាន​ សិក្សា​ស្រាវជ្រាវ​ ស្វែង​រក​​ការ​ធ្វើ​អាជីវកម្ម និង​ការ​ផ្សព្វផ្សាយ​ល្មើស​ច្បាប់​តាម​គេ​ហទំព័រ​ និង​បណ្តាញ​សង្គម​ ដើម្បី​ចាត់​វិធាន​ការ​តាម​នីតិវិធី​ច្បាប់។

Related Post

Be the first to comment

Leave a Reply

Your email address will not be published.


*